Велоспорт. Ўзбекистон чемпионатида ғолиб ва совриндорлар аниқ бўлди

Тўрт кун давомида ўтказилган мусобақаларда Қорақалпоғистон Республикаси, вилоятлар ҳамда Тошкент шаҳри терма жамоалари иштирок этди. 

Чемпионатда илк бор пара-велоспортчиларнинг иштирок этиши ҳақиқатда қувончли ва тирихий бир воқеа бўлди. Бу эса мамлакатимизда аҳолининг ҳар бир қатламига спорт билан шуғулланиш имконияти яратилганидан даолатдир.  Мусобақа натижаларига кўра, келгусида спортчилар саралаб олиниб, Ўзбекистон миллий паралимпия ассоциацияси билан ҳамкорликда Париж-2024 Паралимпия ўйинлари йўлланмалари учун кураш олиб бориши кўзда тутилган.

Кеча Ўзбекистон Республикаси Жисмоний тарбия ва спорт вазирлиги, Миллий паралимпия ассоциацияси, Миллий олимпия қўмитаси, Ўзбекистон велосипиед спорти федерацияси, Спортнинг қишки ва мураккаб техник турлари бўйича республика олий спорт маҳорати мактаби ҳамда қатор ҳамкор ташкилотлар билан биргаликда ташкил этилган мазкур чемпионатнинг финал босқичи бўлиб ўтди. 

Якуний натижаларга кўра, эркаклар ўртасида Данил Евдокимов, Алексей Фомовский, аёллар ўртасида эса Янина Кускова ҳамда Маргарита Мисюрина Ўзбекистон чемпиони бўлди. 

Шунингдек, Анна Куликова, Янина  Кускова ҳамда Никита Стенковой спорт устаси деб топилди. 

Чемпионат ғолибларига ва мусобақаларда юқори натижаларни қайд этган барча велоспортчиларга ташкилотчиларнинг диплом ҳамда эсдалик совғалари топширилди. 

Чемпионликни қўлга киритган спортчиларимизни бугунги ғалаба билан чин дилдан табриклаймиз!