Велоспорт: Ўзбекистон кубоги мусобақаси якунланди

Мусобақада Тошкент шаҳри, Тошкент вилояти, Фарғона, Наманган, Андижон, Сирдарё, Самарқанд ва Хоразм вилоятларидан келган 60 нафарга яқин эркак ва 9 нафар аёл велоспортчилар иштирок этишди.

Қизлар ўртасидаги 21 км масофадаги гуруҳ пойгаларида барча рақибларини 30.16 сониялик натижа билан ортда қолдирган Шаҳноза Абдуллаева 1-ўринни эгаллади. Эркаклар ўртасидаги 124 км масофадаги гуруҳ пойгаларида эса Акром Суннатов 2:52.53 сониялик натижаси билан барча рақибларини ортда қолдириб, Ўзбекистон кубоги соҳибига айланди.

Эслатиб ўтамиз, мусобақанинг 1-босқичида эркаклар жамоавий, аёллар жуфтлик пойгаларида иштирок этишган эди. Унда жамоавий пойгаларда Дилмурод Сиддиқов, Бегзод Раҳимбоев, Дмитрий Бочаров, Жавлон Нурматовлар 1-ўринни эгаллашганди. Жуфтлик пойгаларида еса Рената Бойметова ва Шаҳноза Абдуллаевалар ғалаба қозонган эди.

Мусобақа якунида ғолиб ва совриндорлар кубок, диплом ва эсдалик совғалари билан тақдирланди.