Велоспорт. "Tashkent City" клуби Австралиядаги "Tour Down Under" Жаҳон кубоги босқичининг илк раундини қандай ўтказди? (Тўлиқ натижалар)

Аёллар ўртасидаги беллашувларда дунёнинг энг кучли 16 та жамоаси иштирок этмоқда. Қувонарлиси, ушбу 16 та жамоа орасида Ўзбекистоннинг "Tashkent City" клуби ҳам бор.

Спортчилар мусобақанинг илк куни ва илк босқичи доирасида Ҳандорфдан Кэмпбеллтаунгача бўлган 93,9 км масофани босиб ўтди.

Мусобақада Австралиянинг "AG Insurance - Soudal Team" клуби аъзоси Алли Уолластон 2 соат, 32 дақиқа ва 27 сония билан ғалаба қозонди. Иккинчи ўрин эса кенгурулар юртининг бошқа бир клуби - "Liv Alula Jayco" аъзоси, маррага Уолластондан икки дақиқа кеч келган Жоржия Бейкерга насиб этди. Алли Уолластондан 6 дақиқа фарк билан маррага келган БААнинг "UAE Team ADQ" жамоаси аъзоси, асли италиялик София Бертизолла мусобақанинг илк босқичида учинчи натижани қайд этди.

Баҳсларда иштирок этган ҳамюртларимиздан Янина Кускова, Ольга Забелинская ва Маргарита Мисюрина маррага ғолибдан 10 дақиқа кеч етиб келди. 

"Tashkent City" клуби вакилларининг "Tour Down Under" Жаҳон кубоги босқичининг илк раундида қайд этган натижалари:

36. Янина Кускова (2 соат, 42 дақиқа)

38. Ольга Забелинская (2 соат, 42 дақиқа)

48. Маргарита Мисюрина (2 соат, 42 дақиқа)

67. Мадина Қаҳҳорова (2 соат, 52 дақиқа)

89. Нафосат Қозиева (3 соат, 40 дақиқа)

93. София Каримова (3 соат, 42 дақиқа).

"Ёш велоспортчи" классификациясида ҳамюртимиз Маргарита Мисюрина 9-натижани қайд этди. Жамоавий рейтингда эса "Tashkent City" клуби илк босқичда 11-ўринни банд этди.

Бугун мусобақанинг иккинчи босқичи доирасида спортчилар Гленелг шаҳридан Стирлинггача 104,2 км масофада баҳс олиб боради.