Велоспорт. Тошкент вилоятида йиғин бошланди

Машғулотлар Тошкент вилоятининг тоғли ҳудудлари Бўстонлиқ тумани, шунингдек Паркент ва Чирчиқ шаҳрида ўтказилмоқда.

Ушбу машғулотларда терма жамоамиз аъзоларидан Достон Олламов, Рустем Султанов, Алла Безуглова, Жаҳонгир Дормонов, Акром Суннатов ҳамда Республика Олимпия захиралари коллежининг велоспорт-шоссе йўналишида таълим олаётган ўсмирлар, мураббий Азиз Абдураҳимов бошчилигида иштирок этишмоқда.

Мазкур ўқув-йиғин машғулотлари ўтказилишидан кўзланган асосий мақсад истиқболли ёшларни саралаб олиш, уларнинг малакасини ошириш ва пировардида миллий терма жамоа сафига кучли спортчиларни етказиб бериш ҳамда жорий йилнинг 26 февралидан 2 март кунига қадар велоспорт-шоссе йўналиши бўйича Халқаро тоифадаги спорт устаси Ю.Поминов хотирасига бағишланган Республика турнирида муносиб иштирок этишдан иборатдир.

Мазкур турнирда Ўзбекистон терма жамоасидан ташқари Россия Федерацияси ва Қозоғистон терма жамоалари ҳам  иштирок этиши кутилмоқда.