23 май 16:19
Янгиликлар

Велоспорт

Велоспортчиларимиз Россиядаги халқаро турнирларда иштирок этадилар

Теглар : Велоспорт

24-26 май кунлари Россиянинг Тула шаҳрида "Grand Prix of Tula", 30 май-1 июнь кунлари Москва шаҳрида "Grand Prix of Moscow" велоспорт-трек йўналиши бўйича эркаклар ҳамда аёллар ўртасида халқаро мусобақа ўтказилади.

Велосипед спорти бўйича Ўзбекистон терма жамоаси спортчилари ва мураббийлари ушбу халқаро мусобақаларда иштирок этиш учун Москва шаҳрига жўнаб кетишди.

Ушбу турнирларда 11 мамлакат вакиллари иштирок этадилар. Баҳслар 2020 йили Токио шаҳрида (Япония) бўлиб ўтадиган XXXII ёзги Олимпия ва XVI Паралимпия ўйинларига рейтинг балларини тўплаш имконини беради.

Халқаро мусобақада спортчиларимиз кейрин, скретч, мэдисон, омниум, спринт йўналишлари бўйича беллашадилар.

Биз ушбу мусобақаларда спортчиларимизга омад тилаб қоламиз.