UZ

Сўнгги янгиликлар

19:18Таэквондочиларимиз янгиланган Жаҳон рейтингида нечанчи ўринларни эгаллаб туришибди? 0 18:42UFC 337 турнирининг санаси ва ўтказилиш жойи маълум бўлди 0 18:14Чимаев UFC собиқ чемпиони билан беллашув ўтказиши мумкинлигини айтди 0 17:49Ромелу Лукаку Бельгия терма жамоасидаги фаолиятини якунлаганини эълон қилди 0 17:22Жасурбек Рустамхонов Чехия хоккейи тарихига кирди 0 16:50Норвегия россиялик ва беларуслик спортчиларнинг мусобақалар учун мамлакат ҳудудига киришини тақиқлайди 0 16:19Расман! Руслан Абдуллаевнинг рақиби, жанг санаси ва манзили эълон қилинди 0 15:48Почеттино МЮга нигериялик "девор"ни олиб келмоқчи 0 15:17Гукеш жаҳон тожи учун матч олдидан Жавоҳир Синдаров ҳақида гапирди 0 14:46Қирғизистонда Олимпиада ғолиб ва совриндорлари учун умрбод стипендиялар тасдиқланди 0 14:15Zagreb Grand Prix 2026 турнирини иккита медаль билан якунладик 0 13:44Де ла Фуэнте Испаниянинг Англиядан учраган мағлубияти ва тўхтатилган тарихий серия ҳақида гапирди 0 13:13Расман. Mangu 7 турнирининг санаси ва манзили эълон қилинди + ПОСТЕР 0 12:42Дзюдочиларимиз "ШҲТ Очиқ кубоги"да 7 та медаль қўлга киритишди 0 12:11UFC Fight Night 296 турнирининг асосий жанги эълон қилинди + ПОСТЕР 0

10 сен 14:55
Янгиликлар

Бошқалар

Виктор Земцев триатлон бўйича Ўзбекистон терма жамоасига мураббий этиб тайинланди

Халқаро даражадаги триатлончи, "Ironman" триатлон мусобақаларининг ўн карра ғолиби Виктор Земцев Ўзбекистон триатлон терма жамоасига мураббий этиб тайинланди.

Виктор Земцев – МДҲ ҳудудидаги энг машҳур триатлет, триатлон бўйича халқаро тоифадаги спорт устаси. Илгари у “Z Iron Team” жамоаси бош мураббийи ва “RedLava” жамоасининг сардори бўлган. У “Иронман” сериясининг стартларида профессионаллар орасида 10 марта биринчиликни қўлга киритган ва Конадаги Жаҳон чемпионатида олти маротаба иштирок этган. Халқаро спорт устаси, ITU Long Distanse 2005 Жаҳон чемпиони, ITU Европа чемпионати 2017 совриндори ва Украинанинг кўп карра чемпиони. Донецк жисмоний тарбия ва спорт институтининг битирувчиси. 45 ёшга тўлганига қарамай, у триатлон мусобақаларида юқори натижаларни кўрсатишда давом этмоқда.

Ҳозирда Земцев махсус машғулот дастурини олиб бормоқда ва терма жамоага саралаш учун спортчиларнинг фаолиятини батафсил ўрганиб чиқмоқда. Унинг раҳбарлиги остида ўзбекистонлик спортчилар 15 августдан 8 сентябргача Франсияда ўқув-машғулот йиғинларида иштирок этдилар. Шуниси эътиборга лойиқки, спортчилар билан бирга Виктор Земцевнинг ўзи ҳам машғулотлар давомида масофаларни босиб ўтди.



“Ўқув-машғулот дастури режа асосида олиб борилмоқда. Спортчилар натижаларни яхшилаш учун кучли интилишга эга, баъзида машғулотларни ҳатто секинлатиб туришга ҳам мажбур бўляпмиз. Шу ойда, ўқув-машғулот йиғинидан кейин иккита старт олиш режалаштирилган: Иорданиянинг Акаба шаҳридаги мусобақалар ва Ўзбекистон кубогининг финал босқичи. Ушбу мусобақалардан сўнг миллий терма жамоамиз шакллантирилади. Ўйлайманки, жамоа йил давомида ўзгариши билан бир қаторда, тўлдирилади, чунки эришилган натижаларнинг ўзида тўхтаб қолмаслигимиз керак. Ҳозир мен 10 спортчи билан ишлаяпман ва албатта, мамлакат миқёсида бу етарли эмас”, – дея таъкидлади триатлон бўйича Ўзбекистон терма жамоаси мураббийи Виктор Земцев. “Бугунги кунда устувор вазифа – биринчи навбатда Осиё кубоги ва чемпионати даражасидаги ютуқлардан бошлаб халқаро майдонга чиқиш."

Таъкидлаш жоизки, шу йилнинг июл ойида Виктор Земцев Ўзбекистон Триатлон Федерациясининг таклифига биноан Ўзбекистонга ташриф буюрган. 16 июл куни у халқаро эксперт сифатида триатлон бўйича тренерлар саммитида иштирок этди ва у ерда ўқув услубиёти, шунингдек мамлакатда ушбу спорт турини ривожлантириш бўйича ўз тавсияларини берган. 17 июл куни Виктор Земцев триатлон ҳаваскорлари ва профессионаллар учун Тошкентда мастер-класс ўтказган.

Ўзбекистон Триатлон Федерацияси Матбуот хизмати


Рейтинг:    

Фикрлар

   
10 сен 15:34:51
Ливерпулжон
Битта хабарда қанча имловий хато бор.
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг