Виржил Ортис Оскар Де Ла Хойяни судга берди

The Ring хабарига кўра, Ортиснинг фикрича, Де Ла Хойя унинг ярим ўрта вазн тоифасида собиқ жаҳон чемпиони Жейрон Эннис билан жангини ташкиллаштиришга халақит бермоқда. 32 саҳифадан иборат даъво аризасида Оскарнинг бошқа промоутерлар ва нуфузли инвестор Турки Ал аш-Шайх билан ёмон муносабатда бўлгани, шунингдек, унинг тақиқланган моддаларни истеъмол қилишга мойиллиги ҳақида сўз боради.

Эслатиб ўтамиз, Эннис ва Ортис ўртасидаги жанг ҳақидаги гап-сўзлар бир неча йил олдин бошланган, ўшанда улар иккаласи ҳам фақат истиқболли ярим ўрта вазн тоифасида эди. Аммо кейин боксчилар турли вазн тоифаларига ўтиб кетгани боис маълум вақт жим бўлиб қолди. 

Эннис биринчи ўрта вазндаги дебютини 2025 йил октябрь ойида муваффақиятли ўтказди ва унинг вакиллари дарҳол Ортиз билан жанг бўйича музокараларни қайта бошлади. Боксчиларнинг ўзлари бу вақтга келиб жангни ўтказиш бўйича оғзаки келишувга эришган эдилар, лекин уларнинг жамоалари ўртасидаги савдолар боши берк кўчага кириб қолди. Хусусан, Оскар Де Ла Хойя гонорар масаласида муросасиз позицияни танлаб, мукофот жамғармасини 60 га 40 нисбатда Ортиз фойдасига бўлишни талаб қилди.