Волейбол бўйича ўсмирлар ўртасида Ўзбекистон чемпионлари аниқланди

Қизғин ва муросасиз курашлар остида ўтган баҳслар кеча ўз якунига етди.

2005-2006-йилларда туғилган ўсмирлар ўртасидаги мусобақада жами 13та жамоа 4та гуруҳга бўлинган ҳолда ғолиблик учун баҳс олиб боришди. Фақат, ушбу ёш тоифасидаги баҳсларга Тошкент вилояти вакиллари етиб келишмади. Якуний натижаларга кўра, катта ёшли ўсмирлар орасида Фарғона вилояти вакилларига тенг келадиган рақиб топилмади. Улар ҳал қилувчи баҳсда мезбонлар – Қашқадарё вилояти жамоасидан устун келишди. Навоий ҳамда Андижон вилояти жамоалари 3-ўринга лойиқ кўрилди.

2007-2008-йилларда туғилган ўсмирлар ўртасидаги баҳсларда ҳам 13та жамоа 4та гуруҳда баҳс олиб боришди. Ушбу ёш тоифасида бош соврин мезбонлар – Қашқадарё вилояти терма жамоасига насиб этди. Улар финалда андижонлик тенгқурларини мағлуб этишди. Бухоро вилояти ва Қорақалпоғистон Республикаси ёш волейболчилари 3-ўрин билан чекланишди.

Мусобақа якунида ғолиб ва совриндорлар медаль, диплом ва кубок билан тақдирланишди.