Волейбол. Эркаклар. Ўзбекистон чемпионатида иккинчи кунги натижалар

У ерда  I тур доирасидаги иккинчи кунги учрашувлар ташкиллаштирилди. Самарқанднинг "Алоқачи" клуби  3:0 ҳисобида "НамДУ"дан устун келди. Биринчи куни Улар "Фарғона" жамоасини ҳам шу ҳисобда мағлубиятга учратишган эди. Куннинг иккинчи учрашувида амалдаги чемпион  Тошкентнинг "Ориент" жамоаси "Фарғона" клубидан  3:2 ҳисобида устун келди.

Шундай қилиб, I тур доирасидан ўрин олган иккинчи кунги ўйинлардан сўнг, Самарқанднинг "Алоқачи" жамоаси юз фоизлик натижаси эвазига жадвалнинг юқорисидан жой олди. "АГМК" эса битта ғалаба билан 2-ўринда турибди. "Ориент" клуби ўзининг илк учрашувида қийин ғалабани қўлга киритди ҳамда ўз ҳисобига муҳим 2 очкони қўшиб қўйди. "Фарғона" клуби эса 1 очколик бўлиб олди.  "НамДУ" клуби ҳозирча охирги ўриндан жой олишган.

Мусобақа регламентига кўра, жамоалар 5 партиялик учрашувда 3:2 ёки 2:3 ҳисобларидан бирида зафар қучса, ғолиб томонга 2 очко, мағлубиятга учраган клубга 1 очко тақдим этилади.

Шу ўринда, турнир жадвалининг ҳозирги ҳолати билан сизларни таништирсак.

"А" гурухи.

1."Алоқачи" 2 ўйин 6 очко

2."АГМК"    1 ўйин  3 очко

3."Ориент" 1 ўйин  2 очко

4."Фарғона"  2 ўйин 1 очко

5."НамДУ"  2 ўйин   0 очко

Илёсбек Маҳмудов тайёрлади