Волейбол. Ўзбекистон аёллар термаси Непалдаги халқаро турнир 1/2 финалида!

Ўзбекистон вакилалари ушбу мусобақада "Б" гуруҳидан ўрин олган эди. Қизларимиз гуруҳ босқичидаги ўйинларини якунлади. Терма жамоамиз дастлабки икки учрашувда Шри-Ланка ҳамда Мальдив оролларини 3:0 ҳисобида мағлуб этган бўлса, сўнгги турда қозоғистонлик рақибаларига 1:3 ҳисобида имкониятни бой бериб қўйишди.

Шундай қилиб, "Б" гуруҳида иккинчи ўринни қўлга киритган Ўзбекистон аёллар терма жамоаси турнир ярим финалига йўл олди. Эндиликда волейболчиларимиз "А" гуруҳи ғолиби бўлмиш Ҳиндистон терма жамоасига қарши чиқади. Мазкур ўйин 26 май куни ўтказилади.