15 июн 13:20
Янгиликлар
Волейбол
Волейбол: Зоминда қизлар ўртасида Ўзбекистон кубоги бўлиб ўтмоқда
13 июндан бошлаб Жиззах вилояти Зомин туманида волейбол бўйича 2007-2008 йилларда туғилган қизлар ўртасида Ўзбекистон кубоги баҳсларига старт берилди.
Зоминда ташкил этилган мусобақага Тошкент шаҳри ҳамда Навоий вилоятидан ташқари мамлакатимизнинг барча ҳудудларидан жамоалар етиб келишди.
Қуръа натижасида жамоалар 4та гуруҳга тақсимланишди:
“А” гуруҳи:
Наманган вилояти, Қорақалпоғистон Республикаси, Қашқадарё вилояти,
“Б” гуруҳи:
Андижон вилояти, Жиззах вилояти, Бухоро вилояти,
“С” гуруҳи:
Фарғона вилояти, Сирдарё вилояти, Сурхондарё вилояти,
“Д” гуруҳи:
Самарқанд вилояти, Хоразм вилояти, Тошкент вилояти.
Мусобақа 18 июнга қадар давом этади.
Қизлар ўртасида Ўзбекистон кубоги доирасида ёшларимиз учун миллий терма жамоа аъзолари иштирокида мастер-класс ҳам ўтказилди. Унда тажрибали спортчиларимиз ўз билим ва кўникмаларини ёшлар билан ўртоқлашди.
Ҳавола :
Манба : minsport.uz
Фикрлар