24 дек 16:59
Янгиликлар

Волейбол

Волейболчи қизларимиз "Challange Cup" турнирини ғалаба билан бошлади

Теглар : Волейбол

23-28 декабрь кунлари Бангладешнинг Дакка шаҳрида Марказий Осиё волейбол ассоциацияси томонидан ташкил этилган волейбол бўйича эркаклар ва аёллар терма жамоалари ўртасида "Challange Cup" мусобақаси бўлиб ўтмоқда.

Ушбу мусобақада иштирок этаётган Ўзбекистон аёллар терма жамоаси дастлабки учрашувда малдивлик рақибларига қарши баҳсда майдонда тушиб, уч партияда ҳам (25:10, 25:8, 25:9 ҳисобида) катта устунлик билан ғалабани қўлга киритди. Ҳисоб 3:0. Вакилларимиз фойдасига.

Мазкур "Challange Cup" мусобақасида ўзбекистонлик волейболчилардан ташқари мезбон Бангладеш, шунингдек, Непал, Шри-Ланка, Қирғизистон, Малдив аёллар терма жамоалари иштирок этишмоқда.

Маълумот ўрнида, Ўзбекистон аёллар терма жамоаси бугун Бангладешга қарши баҳс олиб боради.