15 сен 07:52
Янгиликлар

Бошқалар

WАDА ва RADOCA раҳбарияти Антидопинг агентлиги фаолияти билан танишди

Ўзбекистон Миллий антидопинг агентлиги мезбонлигида ўтказилаётган Минтақавий антидопинг агентлиги (RADOCA)нинг навбатдаги ҳисобот йиғилиши ўтказилмоқда.

13 сентябрь куни сессия ўз ишини бошлади, унда қатор масалалар муҳокама қилинди ва келгусидаги режалар ҳақида келишиб олинди.

Кеча йиғилиш иштирокчилари Ўзбекистон Миллий антидопинг агентлигига яратиб берилган шароитлар билан танишиш мақсадида агентликка ташриф буюрди. Танишув давомида Бутунжаҳон антидопинг агентлиги (WADA)нинг Миллий ва Минтақавий антидопинг ташкилотлари билан ишлаш бўйича бош менежери Иева Лукосиуте-Станикуниене мамлакатимизда антидопинг соҳасига ҳукумат даражасида берилаётган эътибор ва яратиб берилган шароитларни юқори баҳолади ҳамда тез орада RADOCA'га аъзо Миллий антидопинг агентликлари орасида юқори ўринларда туришини таъкидлаб ўтди.

Бугун Агентлик бўлимлари томонидан амалга оширилаётган ишлар тақдимоти ўтказилади.