15 ноя 15:55
Янгиликлар

Бокс/ММА

⚡️ WBA ташкилоти Отабек Холматов ва Раймонд Форд иштирокидаги чемпионлик жанги учун промоутерлик савдосини эълон қилди

Бутунжаҳон бокс ассосиацияси (WBA) қўмитаси ярим енгил вазн тоифасида вакант бўлиб турган чемпионлик жанги учун ўзбекистонлик Отабек Холматов ҳамда америкалик Раймонд Форд жангига буйруқ берган эди.

Ташкилот матбуот хизматининг хабар беришича, 27 ноябрь куни ушбу жанг учун промоутерлик савдоси ўтказилади.

Маълум бўлишича, жанг учун минимал таклиф миқдори 120 000 доллардан иборат ва мазкур сумма боксчиларга тенг тақсимланади.

Эслатиб ўтамиз, ярим енгил вазннинг амалдаги WBA чемпиони Ли Вуд ўтган ой ўз камарини вакант қолдириб, бошқа дивизионга кўтарилганди. Шу сабабли, энди Отабек Холматов рейтингда иккинчи ўринда турган Раймонд Форд билан жанг ўтказади.

Ҳамюртимиз иштирокидаги чемпионлик жанги 2024 йилнинг январь ойида ўтказилиши тахмин қилинмоқда.