WBC 2024 йилнинг энг яхши аёл боксчисини эълон қилди + ФОТО

Скай Николсон WBC томонидан 2024 йилнинг энг яхши аёл боксчиси сифатида эътироф этилди. Австралиялик 29 ёшли боксчи ярименгил вазн тоифасида WBC чемпиони ҳисобланади. У ўтган йили асосий рақибалари Сара Маҳфуд, Дайан Варгас ва Рэйвен Чепменни катта устунлик эвазига мағлубиятга учратди.

Аввалроқ, супероғир вазн тоифасида WBC, WBA, WBO ва IBO йўналишларида амалдаги жаҳон чемпиони Александр Усикнинг 2024 йилнинг энг яхши эркак боксчиси деб топилгани ҳақида хабар берган эдик. Украиналик ўтган йилнинг май ойида британиялик Тайсон Фьюрини мағлуб этиб, WBC камарини қўлга киритган ҳолда мутлақ жаҳон чемпионига айланганди. Декабрь ойида эса у реванш жангида ҳам камарларини муваффақиятли ҳимоя қилди.