WBC президенти Маурисио Сулейман бу йилги Конвенция мезбонлиги нима учун Ўзбекистонга берилганини айтди

Ушбу анжуманда иштирок этган ташкилот президенти Маурисио Сулейман бир қанча саволларга жавоб берди:

- Бу йилги Конвенция мезбонлиги Ўзбекистонга берилишининг асосий сабаби нимада?

- Ўзбекистон жуда машҳур мамлакат. Бу давлат боксчилари ҳаваскорлар ўртасидаги Олимпиадада ҳам, жаҳон чемпионатларида ҳам жуда яхши натижаларга эришган. Шунингдек, Ўзбекистон ажойиб спорт раҳнамолари, хусусан, Ғофур Раҳимов каби спорт функционерига эга. Улар бизга барча керакли шароитларни яратиб бермоқда.

- Тайсон Фьюри ҳам ушбу тадбирда иштирок этиши айтилган эди. Бироқ у ҳозирча келмади. Бунга сабаб нима?

- Тайсон Фьюри ҳам бу конвенцияда иштирок этиш учун қизиққан эди. Аммо у яқинда жангда иштирок этди. Боз устига, Тайсон чоршанба куни шу иштироки бўйича Лондонда матбуот анжумани ўтказади. Лекин Александр Усик шу ерда. Пайшанба куни биз Тайсон, аниқроғи Майк Тайсонни ҳам кутиб оламиз!

ТАДБИР ВИДЕОСИНИ ТОМОША ҚИЛИНГ