WBC рейтинги. Азизбек 2, Қудратилло 6, Исроил 26 ва бошқа боксчиларимизнинг ўрни

WBC бошқа ташкилотлардан фарқли равишда кучли 15 боксчини эмас, 40 нафар чарм қўлқоп устаси рейтингини эълон қилади. 

Куни кеча эълон қилинган рейтингдан 7 нафар ўзбекистонлик боксчи ўрин олган. 

Биринчи ўта енгил вазн тоифасида (-48,9) Ҳасанбой Дўсматов 31-поғонага жойлашди.

Биринчи ярим ўрта вазн тоифасида (-63,50 кг) фаолиятини давом эттираётган Шоҳжаҳон Эргашев WBC рейтингида 32-поғонадан жой олган. Яна бир чарм қўлқоп устамиз Анвар Туропов эса 40-поғонага жойлашган. 

Яримўрта вазн тоифасида жангларда иштирок этадиган Қудратилло Абдуқаҳҳоров (-66,67 кг) саккизинчи ўриндан олтинчи ўринган кўтарилган.

Биринчи ўрта вазн тоифасида (-69,8 кг) WBA Intercontinental чемпионлик камари соҳиби бўлиб турган чарм қўлқоп устамиз Исроил Мадримов янгилаган рейтингнинг 26-поғонасидан жой олган. 

Иккинчи ўрта вазн тоифасидаги Азизбек Абдуғофуров (-76,2 кг) эса иккинчи ўринда қолган. Эслатиб ўтамиз, Азизбек айни пайтда WBC Silver камари соҳиби ҳисобланади. Мазкур вазнда шунингдек Бектемир Мелиқўзиев 38-поғонага жойлашган.

Супероғир вазн тоифасида Баҳодир Жалолов эса ТОП-40ни тарк этган. У аввалроқ Olamsport.com сайтига берган интервьюсида ҳозирча проф боксда жанг ўтказмаслигини, асосий эътиборини Олимпия ўйинларидаги иштирокка қаратишини маълум қилганди. Профессионал рингда жанг ўтказмаганлиги сабаб Жалолов ушбу рейтингни тарк этган. 

Эслатиб ўтамиз, бир неча кун олдин WBA рейтинги ҳам эълон қилинганди.