WBC рейтинги янгиланди. Ўзбек боксчилари қандай ўринда? + ПОСТЕР

WBC бошқа ташкилотлардан фарқли равишда кучли 15 боксчини эмас, 40 нафар чарм қўлқоп устаси рейтингини эълон қилади. Янги эълон қилинган рейтингдан 7 нафар ўзбекистонлик боксчи ўрин олган. 

Биринчи ўта енгил вазн тоифасида (-48,9 кг) Ҳасанбой Дўсматов 20-поғонада қайд этилган.

Иккинчи енгил вазнда (-55,3 кг) Исломбек Пирманов 39-ўринга жойлашган.

Биринчи ярим ўрта вазн тоифасида (-63,5 кг) икки  вакилимиз WBC рейтингида ТОП-40дан жой олган. Шоҳжаҳон Эргашев WBC рейтингида 21-поғонадан жой олган. Яна бир чарм қўлқоп устамиз Шаҳрам Ғиёсов эса 30-ўринга жойлашган. 

Яримўрта вазн тоифасида (-66,67 кг) Қудратилло Абдуқаҳҳоров 8-поғонани банд этган. 

Биринчи ўрта вазн тоифасида (-69,8 кг) Исроил Мадримов 18-ўринга жойлашган.

Иккинчи ўрта вазн тоифасидаги Азизбек Абдуғофуров (-76,2 кг) 28-ўринга тушиб кетган. Бектемир Мелиқўзиев эса афсуски ҳозирча ТОП-40 рейтингини тарк этган.  

Постер муаллифи: Мухтасар Умарова