WBC рейтинги янгиланди: Қудратилло ва Элнур рейтингни тарк этди, Отабек Холматов Топ-15 да + ПОСТEР

Бутунжаҳон Бокс уюшмаси февраль ойи учун янгиланган рейтингни эълон қилди. Қудратилло Абдуқаҳҳоров ҳамда Элнур Абдураимов рейтингни  тарк этди. Отабек Холматов мазкур рейтингга илк бор киритилди.

Шу тариқа, рейтингда 10 нафар чарм қўлқоп устамиз ўрин эгаллади. 

Уларнинг жойлашган ўринлари билан танишинг:

Супероғир вазн: Баҳодир Жалолов ўтган ойдаги ўрнига нисбатан 1 поғона пастлаб, 16-ўринга жойлашди;

Супер ўрта вазн тоифаси (76,2 кг): Азизбек Абдуғофуров 2 поғона юқорилади ва 10-ўринга жойлашди; Бектемир Мелиқўзиев 22-ўринни банд этди, ўтган ойда у 24-поғонада эди;

Супер ярим ўрта вазн (69,8 кг): Исроил Мадримов ўтган ойдаги каби 6-ўринга жойлашди;

Ярим ўрта вазн (66,6 кг):  Шаҳрам Ғиёсов 19-ўрин; Жамшидбек Нажмитдинов 30-ўринда, ҳар икки боксчимизнинг ўринларида ўзгариш йўқ;

Супер енгил вазн (63,5 кг): Шоҳжаҳон Эргашев ўтган ойдаги каби 13-ўринда қайд этилди; Ботир Аҳмедовда ҳам ўзгариш йўқ - 21-ўрин;

Ярим енгил вазн (57,1 кг): Отабек Холматов 15-ўрин;

Биринчи ўта енгил вазн (48,8 кг): Ҳасанбой Дўсматов ўтган ойдагидан 2 ўрин кўтарилиб 10-поғонани банд этган.