WBC рейтинги янгиланди: яна бир боксчимиз рейтингни тарк этди, қолганларда кўтарилиш + ПОСТEР

Бутунжаҳон Бокс уюшмаси ноябрь ойи учун янгиланган рейтингни эълон қилди. Октябрь ойида Отабек Холматов рейтингни тарк этган бўлса, ноябрда Олимжон Назаров ушбу рўйхатдан чиқиб кетди. 

Супер енгил вазн тоифасидаги боксчимиз Ботир Аҳмедов рейтингга Ўзбекистон номидан киритилди. Шу тариқа, рейтингда 11 нафар чарм қўлқоп устамиз қолди.

Уларнинг жойлашган ўринлари билан танишинг:

Супероғир вазн: Баҳодир Жалолов ўтган ойдаги ўрнига нисбатан 6 поғона юқорилаб, 17-ўринга жойлашди;

Супер ўрта вазн тоифаси (76,2 кг): Азизбек Абдуғофуров 6 поғона кўтарилди ва 12-ўринга жойлашди; Бектемир Мелиқўзиев эса 25-ўринни банд этди, ўтган ойда у 31-поғонада эди;

Супер ярим ўрта вазн (69,8 кг): Исроил Мадримов 8-ўринда;

Ярим ўрта вазн (66,6 кг): Қудратилло Абдуқаҳҳоров ўтган ойдагидан 5 поғона юқорилаб 17-ўринга жойлашди; Шаҳрам Ғиёсов 20-ўрин, Ғиёсов ўтган ойда 24-ўринда эди;  Жамшидбек Нажмитдинов эса 35-ўриндан 6 поғона юқорилаб, 29-ўринни эгаллади;

Супер енгил вазн (63,5 кг): Шоҳжаҳон Эргашев 13-ўринда қайд этилди, боксчимиз ўтган ойда 15-ўринни банд этиб турганди, Ботир Аҳмедов Ўзбекистон номидан қайд этилди ва 25-ўринга жойштирилди;

Иккичи ярим енгил вазн (58,9кг): Элнур Абдураимов ўтган ойдагидан 2 поғона юқорилаб 38-ўринда қайд этилди;

Биринчи ўта енгил вазн (48,8 кг): Ҳасанбой Дўсматовнинг ўтган ойдагидан 2 поғона пастлаб, ҳозирда 13-ўринни банд этган;