WBC'нинг янгиланган рейтингида Баҳодир Жалолов кўтарилди, яна бир боксчимиз рейтингни тарк этди + ПОСТEР

Бутунжаҳон Бокс уюшмаси декабрь ойи учун янгиланган рейтингни эълон қилди. Ноябрь ойида Олимжон Назаров рейтингни тарк этган бўлса, декабрда Элнур Абдураимов ушбу рўйхатдан чиқиб кетди. 

Шу тариқа, рейтингда 10 нафар чарм қўлқоп устамиз қолди. 

Уларнинг жойлашган ўринлари билан танишинг:

Супероғир вазн: Баҳодир Жалолов ўтган ойдаги ўрнига нисбатан 3 поғона юқорилаб, 14-ўринга жойлашди;

Супер ўрта вазн тоифаси (76,2 кг): Азизбек Абдуғофуров 1 поғона кўтарилди ва 11-ўринга жойлашди; Бектемир Мелиқўзиев эса 26-ўринни банд этди, ўтган ойда у 25-поғонада эди;

Супер ярим ўрта вазн (69,8 кг): Исроил Мадримов доимгидек 8-ўринда;

Ярим ўрта вазн (66,6 кг): Қудратилло Абдуқаҳҳоров ўтган ойдагидан  поғона пастлаб 18-ўринга жойлашди; Шаҳрам Ғиёсов 21-ўрин, Ғиёсов ўтган ойда 20-ўринда эди;  Жамшидбек Нажмитдинов ўтган ойдаги каби 29-ўринда;

Супер енгил вазн (63,5 кг): Шоҳжаҳон Эргашев 11-ўринда қайд этилди, боксчимиз ўтган ойда 13-ўринни банд этиб турганди, Ботир Аҳмедов 3 поғона юқорилаб 22-ўринга жойлаштирилди;

Биринчи ўта енгил вазн (48,8 кг): Ҳасанбой Дўсматовнинг ўтган ойдаги каби 13-ўринни банд этган.