WBC'нинг янгиланган рейтингини яна бир боксчимиз тарк этди

Супер енгил вазн тоифасидаги боксчимиз Ботир Аҳмедов янгиланган рейтингдан жой олмади. У ўтган ойда 35-ўринни эгаллаб турган эди. Енгил вазн тоифасидаги Олимжон Назаров рейтингга киритилди ва 34-ўринни эгаллади.

Шу тариқа, рейтингда 8 нафар боксчимиз қолди:

Супероғир вазн: Баҳодир Жалолов ўтгaн ойдаги каби 13-ўринда;

Суперўрта вазн тоифаси (76,2 кг): Бектемир Мелиқўзиев ўтган ойдагидан бир поғона юқорилаб 12-ўринга жойлашди;

Суперярим ўрта вазн (69,8 кг): Исроил Мадримов 8-ўрин;

Яримўрта вазн (66,6 кг):  Шаҳрам Ғиёсов ўтган ойдаги сингари 14-ўринни эгаллаган бўлса; Жаҳонгир Расулов бир поғона пастлаб 32-ўринни банд этди;

Биринчи ярименгил вазн (55,3 кг): Муроджон Аҳмадалиев бир поғона кўтарилди ва 3-ўринни эгаллади;

Енгил вазн (50,82 кг) Олимжон Назаров 34-ўринга жойлаштирилди;

Биринчи ўта енгил вазн (47,6 кг): Ҳасанбой Дўсматовда ўзгариш йўқ - 5-ўрин.