07 ноя 09:29
Янгиликлар

Теннис

WTA Finals. Иккинчи 1/2 финалда ҳам сенсация!

Хабар берганимиздек, АҚШнинг Форт-Уэрт шаҳрида теннис бўйича Якуний WTA турнири ўтказиляпти.

Иккинчи ярим финал учрашувида ҳам кутилмаган натижа қайд этилди. WTA рейтингида 7-ўринни эгаллаб турган беларуслик Арина Соболенко дунёнинг биринчи рақамли теннис маликаси, польшалик Ига Свёнтекни 6/2, 2/6, 6/1 ҳисобида мағлубиятга учратди.

Соболенко ўзаро учрашувларда илк бор Игадан устун келди - 1:4. Аринага 12 та эйс зарбаси ҳам ёрдам бериб юборди. Энди у WTA Finals бош соврини учун франциялик Каролин Гарсияга қарши кортга чиқади. Гарсия ярим финалда рейтингда ўзидан бир поғона юқорида бораётган грециялик Мария Саккаридан устун келганди.