17 мар 08:10
Янгиликлар

Теннис

WTA май ойигача бўлган барча турнирларни бекор қилди + ФОТО

Аёллар теннис ассоциацияси (WTA) 2 май кунига қадар барча турнирлар тўхтатилишини маълум қилди.

Табиийки, бундай қарор қабул қилинишига коронавирус эпидемияси сабаб бўлган. Тақиқдан кейинги илк WTA турнири 2-9 май кунлари Мадрид шаҳрида ўтказилиши мумкин. Лекин бу ҳам ҳали аниқ, тасдиқланган маълумот эмас.

Коронавирус сабаб WTA таснифига кирувчи Штутгарт, Истанбул, Прагадаги турнирлар аввалдан белгиланган вақтида ўтказилмайди. Аввалроқ, ATP ҳам олти ҳафтага барча турнирларни тўхтатиб қўйган эди.