Хабибнинг жамоадоши UFC'даги дебютини 40 яшар спортчига қарши ўтказади

Маълум бўлишича, россиялик аралаш яккакураш устаси, афсонавий Абдулманап Нурмагомедовнинг шогирди Сайгид Изагахмаев UFC'даги дастлабки жангини 22 ноябрь куни Қатарда ўтказиладиган UFC Fight Night турнирида ўтказади. 

Унга ўша куни америкалик Николас Далби рақиб сифатида берилади. Жанг ярим ўрта вазн тоифасида ташкил этилади.

Маълумот учун, 31 ёшли Изагахмаев фаолияти давомида 24 та жанг ўтказиб, 22 ғалаба ва 2 мағлубият қайд этган. 40 яшар Николас Далби ҳисобида эса 23 та ғалаба, 6 та мағлубият ва 1 та дуранг бор.