Халқаро семинар иштирокчилари Тошкентга етиб келишмоқда

Мазкур лицензия асосида миллий терма жамоалар мураббийларини халқаро мусобақаларда иштирок этишлари учун рўйхатдан ўтказиш имконига эга бўлишади.

Халқаро Кураш ассоциацияси тақвим режасига асосан Халқаро Кураш институти мураббийлар учун 12-22 март кунлари Тошкент шаҳрида халқаро семинар ва B лицензияси учун имтиҳонларни ташкил этаётгани ҳақида аввал хабар берган эдик.

Бугун семинарнинг расмий куни. Кеча бугун семинар иштирокчилари Тошкент шаҳрига етиб келишмоқда.

Айни кунгача Хитой Тайпейи, Эрон, Афғонистон, Россия, Туркманистон, Қирғизистон, Жанубий Корея Украина, Малта давлатлари экспертлари Кураш ватанига ташриф буюришди.

Бугун тунда ва эртага Непал, Буюк Британия, Туркия, Индонезия, Руминиялик Кураш мутахассисларининг келиши кутилмоқда.

Семинар Дастурига асосан эртага Ўзбекистон Журналистика ва оммавий коммуникациялар Университети спорт мажмуасида амалий машғулотлар бошланади. Куннинг иккинчи ярмида Миллий Олимпия қўмитаси мажлислар залида семинарнинг расмий очилиш маросими ва матбуот анжумани ўтказилиши белгиланган.