Халқаро теннис федерацияси ўз номини ўзгартиради

Ташкилот 2026 йилда ўз номини World Tennis деб ўзгартиришини эълон қилди.

"ITF директорлар кенгаши ва ижроия қўмитаси томонидан тавсия этилган ном ўзгариши ташкилотнинг глобал бошқарув органи сифатидаги ролини яхшироқ акс эттириш учун мўлжалланган. World Tennis номи фойдасига танлов узоқ давом этган тадқиқотлар ва манфаатдор томонлар билан муҳокамалардан сўнг амалга оширилди. Улар ташкилотнинг роли кўламини ва унинг теннис экотизими учун аҳамиятини энг самарали акс эттирувчи ном зарурлигини тасдиқладилар", - дейилади ITF матбуот хизмати хабарида.

Номни ўзгартириш тўғрисидаги қарор миллий теннис ассоциацияларининг кўпчилик овози билан маъқулланди. ITF 1913 йил 1 мартда ташкил этилган. Дастлаб у ILTF деб номланган, аммо 1977 йилда уни ҳозирги номига ўзгартирган.