Халқаро Велосипедчилар Иттифоқи (UCI) президенти юртимизга ташриф буюрди

Шунингдек, мазкур Осиё чемпионати доирасида бир қатор тадбирлар ҳам ўтказилиши режалаштирилган. Бугун 25 апрель куни Халқаро Велосипедчилар Иттифоқи(UCI) президенти Давид Лапарте юртимизга ташриф буюрди. Халқаро велосипедчилар Иттифоқи (UCI) тарихига назар ташлайдиган бўлсак, мазкур ташкилот  1900 йилда тўртта (Буюк Британия, Франция, Бельгия ва Италия) давлатлари иштирокида ташкил этилган. Бош қароргоҳи Эгел шаҳри (Женева)да. Халқаро велосипедчилар Иттифоқи велосипед спортининг дунё бўйича бошқарув органи ҳисобланади.

UCI Халқаро Олимпия Қўмитаси томонидан расман эътироф этилган ва Бош ассамблея аъзоси. Халқаро велосипедчилар Иттифоқи томонидан ташкил этилаётган велосипед спорти бўйича мусобақаларда ҳар бир давлатдан миллий терма жамоалар иштирок этиши лозим.

Халқаро велосипедчилар Иттифоқи президенти ўз вазифаларини ҳомийлик ва аъзолик бадаллари орқали амалга оширади. Халқаро велосипедчилар Иттифоқи велосипед спортининг барча турларини ривожлантириш бўйича ишлар олиб боради. Халқаро велосипедчилар Иттифоқи томонидан ногиронлар ўртасида ҳам велосипед спортини тарғиб этиш ва профессионаллик даражасига олиб чиқиш мақсади илгари сурилиб паралимпия ўйинлари таркибига киритилган.

Ҳалқаро велосипедчилар Иттифоқининг вазифа ва мажбуриятларидан яна бири спортнинг ушбу турини бутун дунёда, турли босқичларда ва ҳеч қандай чекловларсиз ривожлантириш ҳисобланади.

Ўзбекистон велоспорт федерацияси матбуот хизмати