19 окт 10:25
Янгиликлар

Бокс/ММА

Хамзат Чимаев Алленни мағлуб этган де Риддерни ҳақорат қилди

Ўрта вазн (-84 кг) тоифасида UFC чемпиони Хамзат Чимаев Канадада бўлиб ўтган UFC турнирининг марказий жангида нидерландиялик Рене де Риддернинг америкалик Брендан Аллендан қабул қилиб олган мағлубиятига муносабат билдирди.

"Бу аблаҳ йигит - таслим бўлди", - деб ёзди Хамзат ўзининг Х (собиқ Twitter) ижтимоий тармоғидаги саҳифасида.

Эслатиб ўтамиз, ушбу жангдан олдин айнан де Риддер Хамзат Чимаевга қарши чемпионлик жангига асосий даъвогар сифатида кўрилаётганди. Чунки, у бешта ғалабали серия билан келаётган эди. Бугунги турнирдан сўнг Аллен ММАда 28 ғалаба ва 7 та мағлубият қайд этган. Ўз навбатида, Де Риддер бугун учинчи мағлубиятини қабул қилиб олди. Ҳисобида 21 ғалаба бор.