07 сен 12:26
Янгиликлар

Бокс/ММА

Хамзат Чимаев Имавов - Борральо жангига иккита сўз билан муносабат билдирди

Ўрта вазн тоифасида амалдаги UFC чемпиони Хамзат Чимаев деярли даъвогарлик мақомидаги Нассурдин Имавов - Кайо Борральо жанги ҳақида гапирди.

Кеча Франция пойтахти Париж шаҳрида ўтган UFC Fight Night 258 турнирининг асосий жангида Имавов беш раунд якунларига кўра бразилиялик аралаш яккакураш устасини очколар (50-45, 49-46, 49-46) ҳисобига кўра мағлубиятга учратганди.

"Яхши жанг. Ассаламу алайкум", – дея ўзининг ижтимоий тармоқдаги саҳифасида хабар қолдирган "Борз".

Нассурдин Имавов дивизион рейтингида иккинчи ўринни эгаллаб турибди. Кечаги ғалаба унинг чемпионлик жангида октагонга чиқиш имкониятларини кескин ошириб юборди. Октябрь ойида нидерландиялик Ренье де Риддер ва америкалик Энтони Эрнандес ўртасида жанг ўтказилади. Ушбу жанг ғолиби ҳам Хамзат Чимаевнинг камари учун даъвогарлардан бирига айланади.