25 апр 12:37
Янгиликлар

Бокс/ММА

Хамзат Чимаев Ронда Роузи танқидига "ответ" қилди

Ўрта вазн тоифасида UFC чемпиони Хамзат Чимаев Ронда Роузини ўзи юлдузга айланган промоушенга нисбатан ношукурликда айблади.

UFC`сиз Ронда Роузи ҳеч қачон бугунги даражасига етмаган бўларди. Мен бундай ношукурликни ёмон кўраман. Яхши тўлашадими ёки яхши тўлашмайдими — нима фарқи бор? У Олимпиада чемпиони бўлганида қанча маош оларди?", - деди Чимаев ўзининг расмий каналида.

Аввалроқ америкалик аёл аралаш яккакураш устаси Ронда Роузи UFC жангчиларининг жуда паст гонорарларини бир неча бор танқид қилган эди. Ҳозирда БАА шарафини ҳимоя қилаётган Хамзат Чимаев 9 май куни Шон Стриклендга қарши жангда ўз камарини ҳимоя қилади. Ронда Роузи эса 17 май куни Жина Каранога қарши октагонга чиқади.