Хамзат Чимаев: "Хабиб билан ҳеч қачон ўртамизда муаммо бўлмаган"

"Биз у билан яхши муносабатдамиз. Ҳамма ўртамизда тушунмовчиликлар бор деб ўйлайди, лекин мен у билан ҳеч қачон муаммога дуч келмаганман. Биз унинг укаси Абубакар Нурмагомедов билан суҳбатлашдик ва бироз тушунмовчилик келиб чиқди. 

Ҳеч қандай муаммо йўқ эди. Биз Абу-Дабида учрашдик, бир-биримизга бир-икки марта мушт туширдик, холос. Ҳаммаси жойида, биз Чеченистон ва Доғистонда бир-биримиз билан уришиб, сўнг яна ака-ука бўламиз. Хабиб билан ҳеч қандай можаро бўлмаган.

Хамзат Хабибни ёқтирмайди, Хабиб ҳам Хамзатни ёқтирмайди деб ёзишади, лекин бундай эмас. Менга бу йигит ёқади, унинг жангларини томоша қилганман. Ундан кўп нарсани ўргандим. Нега биз у билан ёмон зиддиятга боришимиз керак?", - деди Чимаев.