Хави ЕЧЛдаги муваффақиятсизликдан сўнг Лапорта билан бўлган суҳбат ҳақида гапирди

"Клуб президенти билан суҳбатлашдимми? Ҳа. Биз доим гаплашиб турамиз. Ҳар бир ўйинга бирга борамиз. Бўлиб ўтган иш ҳақида гаплашдик. Чемпионлар лигасида бизга боғлиқ бўлмаган нарсалар ҳам бор эди. Иш назоратдан чиқиб кетди ва биз керакли натижага эриша олмадик. 

Лапорта билан эса доим кўришамиз ва гаплашамиз. Унга қойил қоламан. Биз дўстмиз ва ўртамизда ўзаро ишонч бор, Чемпионлар лигасида бўлган ишга қарамай. "Барселона" ўз ғояларидан чекинмоқчи эмас. Албатта биз совринлардан бирини ютиш имконини йўқотдик, аммо бошқа совринлар учун курашиш имконимиз бор", - деди Хави.