Хертогенбос (WTA). Наоми Осака учун 55 дақиқа етарли бўлди

Асосий тўр баҳсларида wild card, яъни имтиёзли йўлланма асосида иштирок этаётган Наоми Осака 1/8 финалда мезбонлар вакиласи, WTA рейтингида 140-поғонада бораётган Сюзан Ламенсни ортиқча қийинчиликсиз таслим этди - 6/2, 6/2.

Япониялик теннисчи айни пайтда дунёнинг 125-ракеткаси бўлиб турибди. У 55 дақиқалик учрашувда 9 та эйс, 4 та брейк қайд этиб, 1 та қўшхатога йўл қўйди. Бу теннисчиларнинг ўзаро ўтказган илк учрашуви бўлди. Энди Осака 1/4 финалда ўзи сингари wild card чиптаси билан қатнашаётган канадалик Бьянка Андреескуга қарши кортга чиқади.