Хэйнининг нияти Камбосос билан жанг қилиш ва мутлақ чемпион бўлиш

Енгил вазн тоифасида WВC йўналиши чемпиони Дэвин Хэйни мутлақ жаҳон чемпиони Жорж Камбосос билан рингда учрашишга тайёрлигини билдирди.

«Эшитишимга кўра, Камбосос билан эҳтимолий жангим ҳақида ҳеч қандай аниқ гап бўлмаган, аммо кўрамиз. Бу жанг жуда реал. Эдди Хирннинг таъкидлашича, бу ҳақиқатга яқин. Мутлақ чемпионлик камари учун Камбосос билан ўртамизда ҳақиқий жанг ташкил қилишимиз керак. Кўпчилик бу курашни талаб қилмоқда. Ўйлайманки, бу бўлади, лекин биз буни амалга оширишимиз учун мухлислар Жорж ва унинг жамоасига босим ўтказишда давом этишлари керак. Камбосос менинг асосий мақсадим. Мен барча камарларни бирлаштириб, кейин биринчи ярим ўрта вазн тоифасига кўтарилиб, у ерда курашмоқчиман», - дея Хэйнидан иқтибос келтиради DAZN Boxing.