Хитойнинг учинчи шаҳрида ковид туфайли локдаун эълон қилинди. Пекин-2022 ташкилий қўмитаси бу Олимпиада жадвалига таъсир қилиши мумкин деб ҳисоблайди

Қайд этилишича, душанба куни бу ерда ковиднинг янги штамми - омикрон билан касалланишнинг иккита ҳолати аниқланган. Тахминларга кўра, бу Тяньцзиндаги вазият билан боғлиқ бўлиши мумкин, у ерда ҳам иккита инфекция ҳолати қайд этилган. 

Анян шаҳрида 5.5 млн нафар инсон истиқомат қилади - уларга кўчага чиқиш тақиқланган, фавқулодда хизматлар билан боғлиқ бўлмаган ҳар қандай транспортга рухсат этилмайди. Локдаун муддати қанчага чўзилиши номаълум.

Аввалроқ, Сиан ва Ючжоу шаҳарларида ҳам локдаун эълон қилинган эди. 

Пекин қишки Олимпия ўйинлари ташкилий қўмитаси матбуот котиби Хуан Чуннинг айтишича, энг ёмон сценарийда омикроннинг тарқалиши ўйинлар жадвалига таъсир қилиши мумкин.

Олимпиада 4-20 февраль кунлари Пекинда бўлиб ўтади.