Хивада ёш полвонлар хотира турнирида куч синашмоқда

Жорий йилнинг 20 май куни "Спорт ойлиги" доирасида Хива туман Жисмоний тарбия ва спорт бўлими бошчилигида кураш бўйича 2001–2003 йилларда туғилган ўсмирлар ўртасида иккинчи жаҳон уруши қатнашчиси, узоқ йиллар давомида “Ўзбекистон” жамоа хўжалиги раиси лавозимида муносиб хизмат қилган Махмуд ота Нуниязовнинг ёрқин хотирасига бағишланган турнирга старт берилди. 

Мусобақада М.Нуниязовнинг оила аъзолари, яқин қариндошлари, қишлоқ фаоллари ва меҳнат фаҳрийлари иштирок этди. Турнирнинг очилиш маросимида Хива туман 28-сон умумўрта таълим мактаби директори, Ўзбекистон "Ёшлар иттифоқи" Хива туман кенгаши раиси, туман жисмоний тарбия ва спорт бўлими бошлиги сўзга чиқиб, М.Нуниязовнинг меҳнат фаолияти ва ҳаёт йўли ҳақида илиқ сўзларни билдирдилар.