17 янв 14:03
Янгиликлар

Бокс/ММА

"Хоҳлаганингизни танланг!" — Макгрегор Дана Уайтнинг сўзларига жавоб берди

Ярим енгил (66 кг гача) ва енгил (70 кг гача) вазн тоифаларида собиқ UFC чемпиони Конор Макгрегор UFC президенти Дана Уайтнинг баёнотига жавоб қайтарди.

Дана аввалроқ америкалик Майкл Чендлерга қарши эҳтимолий жангини долзарб эмас деб айтган, шунингдек, Конорнинг октагонга қайтишига шубҳа билдирганди.

"Хоҳлаганингизни танланг! Мак ҳеч ким ва ҳеч нарса ҳақида қайғурмайди. Мен энг мазали зарбаларни тайёрлайман!", - деб ёзди Макгрегор ижтимоий тармоқдаги саҳифасида.

Ирландиялик 37 ёшли аралаш яккакураш устаси 2021 йил июль ойидан бери жанг қилмаган, ўшанда у UFC 264 турнирида биринчи раунддаёы техник нокаут (оёқ жароҳати) билан енгил вазнда UFC вақтинчалик чемпиони америкалик Дастин Порьега ютқазган эди. Унинг профессионал рекорди 22 ғалаба ва 6 мағлубиятдан иборат.