09 дек 23:30
Янгиликлар
Бокс/ММА
Хўжаназар Нортожиев кунни ғалаба билан якунлаб берди
Дубай шаҳрида бокс бўйича катталар ўртасидаги IBA Жаҳон чемпионатининг олтинчи кун беллашувлари ўзбекистонлик боксчилар учун якунланди.
Мусобақада -57 кг вазн тоифасида юртимиз шарафини ҳимоя қилаётган Хўжаназар Нортожиев иккинчи жангини Ҳиндистон вакили Сачинга қарши ўтказди.
Жанг тўлиқ давом этди ва унда Хўжаназар 5:0 ҳисобида ғалаба қозонди.
Хўжаназар мусобақадаги илк жангида Шри-Ланка вакилидан устун келганди.
Энди у навбатдаги жангини Арманистон боксчиси Жирайир Саркисянга қарши ўтказади.
Бугун кун давомида Ўзбекистон терма жамоасининг тўрт нафар вакили - Асилбек Жалилов, Акмалжон Исроилов, Ҳасанбой Дўсматов ва Хўжаназар Нортожиев жанг қилиб, ғалабага эришди ва навбатдаги босқичга йўл олди.
Ҳавола :
Манба : olamsport.com
Фикрлар