"Реал" ҳимоячиси Жаҳон чемпионатини ўтказиб юбориши мумкин

Испаниялик футболчининг жисмоний ҳолати сўнгги пайтларда ёмонлашиб бормоқда, бу эса унинг "қаймоқранглилар" сафида "Реал Овьедо" ва "Барселона"га қарши иккита ўйинни ўтказиб юборишига сабаб бўлди.

"Diario AS" нашрининг хабар беришича, Испания терма жамоаси бош мураббийи Луис де ла Фуэнте 21 ёшли футболчини Жаҳон чемпионатининг якуний таркибига киритиши аниқ эмас.

Дин Хёйсен 2025 йилнинг март ойида дебют қилганидан бери Испания терма жамоаси сафида 7 ўйинда майдонга тушди. У ушбу мавсум "Реал" таркибида 38 ўйинда қатнашиб, 2 та гол урди ва 1 та голли пас узатди.