Хольгер Руне Базелда бош совринни кўзламоқда

Дунёнинг 14-ракеткаси Хольгер Руне мусобақанинг ярим финал иштирокчисига айланди. Даниялик теннисчи Swiss Indoors Basel 1/4 финалида ATP рейтингида 54-поғонада бораётган бельгиялик Давид Гоффинни ортиқча қийинчиликсиз мағлубиятга учратди - 6/2, 6/4.

Бу теннисчиларнинг ўзаро ўтказган илк учрашуви бўлди. Саксон бир дақиқа давом этган баҳсда Руне 6, Гоффин 5 та эйс зарбасини амалга оширган. Қўшхатолар 5 га 3 кўринишида Хольгерда кўпроқ бўлди. Брейклар бўйича устунлик ҳам ғолиб теннисчи томонида - 4 га 1!