04 окт 20:05
Янгиликлар
Бокс/ММА
Холмурод Нурматовнинг ACA лигасидаги жанги бекор қилинди
Бугун Чеченистоннинг Грозний шаҳрида ММА бўйича ACA 180 турнири ташкил этилмоқда.
Мазкур мусобақа доирасида ўзбекистонлик аралаш якка кураш устаси Холмурод Нурматов мезбонлар вакили Расул Албасханов билан жанг қилиши керак эди.
Бироқ Албасханов жанг олдидан вазн ташлаш жараёнида соғлиғи ёмонлашгани сабабли жангни бекор қилишга мажбур бўлди.
Холмурод Нурматовнинг сўзларига кўра, у энди кейинги жангини ноябрь ёки декабрь ойида ўтказишни режалаштирмоқда.
Маълумот ўрнида, 30 ёшли Холмурод Нурматов бугунгача 22 та жанг ўтказиб, 14 ғалаба, 7 мағлубият ва 1 та дурангни ўз ҳисобига ёздириб қўйган. Расул Албасханов ҳисобида эса 14 ғалаба ва 7 мағлубият бор.
Ҳавола :
Манба : olamsport.com
Фикрлар