19 дек 13:21
Янгиликлар

Токио-2020

ХОҚ президенти 2021 йилги Олимпия ўйинларини тарихий деб баҳолади

Унинг сўзларига кўра, Токиодаги Ўйинлар ўтказиладиган бўлса, у нафақат Олимпиадалар, балки жаҳон тарихига ҳам ёзилишига шак шубҳа йўқ.

Халқаро олимпия қўмитаси (ХОҚ) президенти Томас Бах Токиода бўлажак Олимпия ўйинлари тарихий деб эътироф этилишини, Япония томони эса коронавирус пандемиясини ҳисобга олган ҳолда барча саъй-ҳаракатларини кўраётганлигини айтди.

“Мен Токио – Олимпия ўйинлари тарихида энг зўр тайёрланган шаҳар деб ҳамиша гапириб келганман. Ва мен “тарихий” сўзини ишлатишда ҳамиша эҳтиёткор бўлганман. Бироқ бу Олимпиада чиндан ҳам тарихий бўлади”, – деди Томас Бах.

ХОҚ президенти Япониянинг Олимпия ўйинларига кўраётган тайёргарлигига, шунингдек, коронавирус пандемиясига қарши қўлланилаётган турли чораларга юқори баҳо берди. У Япония ҳукумати келажакка боқаётганлигини ва муаммолар пайдо бўлишидан олдин уларни олдини олишга ҳаракат қилаётганлигини таъкидлади.