ХОҚ штаб-квартираси олдида норозилик намойиши бўлиб ўтди

Унинг иштирокчилари ташкилотни Россия ва беларуслик спортчиларнинг 2024 йил Париж (Франция) шаҳрида бўлиб ўтадиган Олимпия ўйинлари ҳамда бошқа ҳар қандай халқаро мусобақалардаги иштироки ҳақидаги риторикани қайта кўриб чиқишга чақиришди.

Намойишчилар "Россиясиз Олимпия ўйинлари" шиори остида кўтарилган плакатлар билан ХОҚ штаб-квартирасигача 3,5 км масофани босиб ўтишди. Шунингдек, улар ХОҚ ҳомийларини ўз позицияларидан фойдаланиб, ташкилотга босим ўтказишга чақиришди. Акция Швейцариядаги кўнгиллилар ва турли нотижорат ташкилотлар томонидан ташкил этилди.

Эслатиб ўтамиз, 2022 йил март ойида россиялик спортчиларнинг аксарияти Украинадаги ҳарбий ҳаракатлар туфайли халқаро мусобақалардан четлаштирилган эди. Шу вақт ичида Халқаро Олимпия қўмитаси (ХОҚ) раҳбари Томас Бахнинг россиялик спортчиларга нисбатан позицияси бир неча бор ўзгарди.