11 июл 10:57
Янгиликлар

Бокс/ММА

Хорхе Масвидаль: Олти кунда 9 кг вазн ташладим

Эртага ярим ўрта вазн тоифаси чемпионлик камари учун октагонга кўтарилувчи Хорхе Масвидаль матбуот анжуманида журналистларни қизиқтирган саволларга жавоб қайтарди.

Масвидаль чемпион Камару Усманга қарши жанг олдидан вазн ташлаш қийин кечганини алоҳида урғулади. Хорхе жангга олти кун қолганида Абу-Дабига келишга рози бўлганди. Боиси, Усманнинг рақиби Гилберт Бёрнсда коронавирус аниқланган эди.

"Олти кун ичида йигирма фунт (9 кг) вазн ташлашимга тўғри келди. Бу осон иш эмаслигини билиш учун спортчи бўлиш шарт эмас. Қанчалик қийин бўлмасин, мен бу вазифани уддаладим. Йўқотилган энергияни тўплаб олдим деб ўйлайман. Ҳозир ҳаммаси жойида. Мен чемпионлик жангига тайёрман", — деди Масвидаль.