Хорхе Масвидаль Оқ уйдаги катта жангга ишора қилди

У Конор Макгрегор билан эҳтимолий тўқнашув ҳақидаги миш-мишларни рад этмади, лекин у учун бундай тадбирда иштирок этишнинг ўзи муҳимроқ эканлигини таъкидлади.

"Ахборотнинг бир қисми фақат юқори даражада бор, шунинг учун мен кўп нарса айта олмайман. Лекин мен каттароқ жанг учун машғулот қиляпман. Менда тез орада жанг ҳақида янгилик бўлади ва бу ишонинг, айтишга арзигулик хабар", - дея Масвидалнинг сўзларини келтиради MMA Junkie.

Ўзини Дональд Трампнинг севимли жангчиси деб атайдиган Масвидаль тахминан 10 кун ичида Оқ уйдаги жанг бўйича тасдиқ олиши мумкинлигини таъкидламоқда. Бу муддат UFC’нинг келаси ҳафта бўлиб ўтадиган UFC 324 турниридан кейин Оқ уй учун кард тузишни бошлаш режалари билан бир вақтга тўғри келади.

"Оқ уй кардида жанг қилиш шараф... Мен буни албатта амалга оширишни хоҳлардим, чунки, бу турнир ва юлдузли кард бошқа такрорланмайди. Мен фақат шу жанг учун қайтаман. Мен Оқ уйда ўз маҳоратини намойиш этаётган, иккала томондан ҳам муҳожир ота-оналардан бўлган лотин америкаликман. Ким бундай қилган? Ҳеч ким", - дея қўшимча қилди Масвидаль.