12 апр 09:19
Янгиликлар
Велоспорт
Хотин-қизлар ўртасида велоспорт марафони ўтказилди
8-13 апрель кунлари республикамиз бўйлаб “Хотин-қизлар спорт ҳафталиги” ўтказилиши ҳақида хабар бергандик.
Ушбу ҳафталик доирасида оммавий спорт ва пиёда юриш бўйича марафон ўтказилмоқда.
“Спорт – саломатлик гарови” шиори остида ўтказилган мазкур марафонда турли ёш тоифасидаги хотин-қизлар, айниқса фаол бўлмаган қизлар, уй бекалари ҳамда катта ёшдаги аёллар иштирок этишяпти.
Халқаро Саломатлик куни муносабати билан “Хотин-қизлар спорт ҳафталиги” доирасида Ўзбекистон велосипед спорти федерацияси ҳамда Тошкент вилоят хотин-қизлар қўмитаси ҳамкорлигида хотин-қизлар ўртасида “Велоспорт марафони” ўтказилди. Унда вилоятнинг барча шаҳар-туманларидан 18 дан 50 ёшгача бўлган хотин-қизлар ғолиблик учун баҳс олиб боришди.
Тадбир ғолиблари ташкилотчилар томонидан эсдалик совғалари билан тақдирланди.
Ҳавола :
Манба : uza.uz
Фикрлар