Хуберт Гуркач - Estoril Open чемпиони!

Мусобақа бош соврини дунёнинг 10-ракеткаси Хуберт Гуркачга насиб этди. Польшалик теннисчи ҳал қилувчи финал учрашувида ATP рейтингида 77-поғонада борган испаниялик Педро Мартинесни мағлубиятга учратди - 6/3, 6/4.

Теннисчиларнинг ўзаро учрашувларидаги ҳисоб янада йириклади - 4:0. Саксон етти дақиқа давом этган баҳсда Гуркач 15 та эйс зарбаси ҳамда 2 та брейкни амалга оширган. Хуберт фаолиятида илк бор грунт қопламали турнирда чемпион бўлди. 

Millennium Estoril Open турниридаги муваффақиятли иштирок унга 250 рейтинг очкоси ҳамда 88,125 евро мукофот пули келтирди. Бу унинг фаолиятидаги саккизинчи соврини бўлди. Энди унда ҳамма корт қопламалардаги чемпионлик соврини бор. 

Бундан ташқари, Хуберт Гуркач 1981 йилдан бери грунт турнир чемпионлигини қўлга киритган биринчи польяк теннисчига ҳам айланди.