Хушхабар! Тасмурадов ва Бердимурадов Олимпиада лизенциясини қўлга киритишди ФОТО

Йилнинг ушбу нуфузли мусобақаси Токио-2020 Олимпиадасига лицензия бериши билан аҳамиятлидир. Қувонарлиси, ҳозиргина икки юнон-рим курашчимиз Токио-2020 Олимпия ўйинлари лицензиясини қўлга киритишди.

-60 кг вазн тоифасидаги юртдошимиз, Рио-2016 Олимпиадаси бронза медали совриндори Элмурат Тасмурадов ўтиш баҳсларида ғалаба қозониб, кечки дастурда бронза медали учун курашиш имкониятига эга бўлди. Тасмурадов аввалига эквадорлик Роберто Арройо, кейин эса молдовалик Виктор Чиобануни енгди. Бу билан Элмурат Олимпиада йўлланмасига эга чиқди. Кечки дастурда у бронза медали учун эронлик Али Ризо Нежатига қарши гиламга чиқади.

-77 кг вазн тоифасида юртимиз шарафини ҳимоя қилаётган Жалгасбай Бердимуратов эса украиналик Володимир Яковлев ва литвалик Паулиус Галкинасдан устун келиб, Токио-2020 лицензиясга эга чиқди. Жалгасбай кечки дастурда қозоғистонлик Асхат Дилмуҳаммедовга қарши гиламга чиқади.

Суратлар муаллифи - Анвар Ильясов