24 дек 15:58
Янгиликлар

Дзюдо

Яҳё Имомовни табриклаймиз!

Бугун тажрибали ва совриндор дзюдочимиз Яҳё Имомов ўз таваллуд аёмини нишонламоқда.

Деновлик полвон бугун 31 ёшга қадам қўйди. Тажрибали мураббий Бекзод Тўрабоевнинг шогирди ҳисобланган Яҳё фаолияти давомида айтишга арзигулик ютуқларга эришган. 2012 йилги Лондон Олимпиадаси иштирокчиси Жаҳон кубоги, "Катта Дубулға", Гран-При туркумига кирувчи турнирларда ғолиб ва совриндор бўлган.

Фурсатдан фойдаланиб, Ўзбекистон дзюдо федерацияси раҳбарияти, мураббийлар штаби, дзюдочилар номидан Яҳё Имомовни бугунги унутилмас кун билан чин қалбдан муборакбод этамиз.